Ei Wucha El Salvador...

hocki hie ufum flughafe zlima und mier isch soooo lengwilig...warti uf mine witerflug ze zaehne und bi hie im zwei a cho...also tip top 7 e halb stunde warte...immerhin isch scho halbi saegschi...:-) ins internet chasch leider nur 15 minuete...also nitzi das doch gat und schribi mal im blog was so di letsch wucha gange isch...dfoto ladi de negsch wucha embruef, will inere viertel stund laengt mer leider nit alles...;-)

also wier si am sa va antigua richtig el salvador mim bus...oei haerzig gsi ersch uf guatemala stadt, ische shuttle het apa so 1 1/2 stund verspaetig kae aber das isch ja kei grund zer uefregig...das meini de jetz wirklich aernscht, jaja zungidulig maeni, iebt giduld...zguatemala city acho is de witer miteme car uf el salvador...so 6 stunde isch das gange mit warte biner graenza...und da wier doch jetz di letsch zit gaebig leids waetter und oei chalt hei kae, is de scho gat komisch gsi ind hitz zcho...aber da ich eh mis ganz gipaeck derbi hae, haeni de gat tip top mis churz gwand ine isatz gibrunge...wier si de bis ane strand la libertad cho...nit gat so schoen aber das scho dunkel isch gsi heiwer isch eifach es hotel gsuecht und si de am andre tag witer...also am andre tag ine chickenbus und mal eifach eswa gfahre...das wer de gat das glick hei und an der strand chomi wa eigentlich am meischte los isch, heiwer im afang oei nit gideicht...hei eigentlich nur 1 nacht welle blibe und schlussendli siwer de gli 3 naecht giblibe...hei aenz cooli surfer type kenne glehrt wa oei in dem hotel sind gsi...hei so en terrass mit haengematte kae und tisch, stiehl...eifach wa wer gmietlich hei chene zaeme hocke, jasse, muesig lose, laese oder apa mal ztanz bei schwinge...

wier hei isch de gideicht doch nu es bitz meh va el salvador zgseh und so siwer de am mi uf ischi witerreis...wettige reinfall...wier si dum strand na mal los gange und hei ani costa del sol welle...aber niene hets lit kae...uberall si wier di einzige gsi...und aes het nur so bunkera va hotel kae wa viel viel ztier sind gsi...ime restaurant wa wer mal en pause und bispraechig hei gmacht, heiwer de es elters mannli kenne glehrt und aes het isch agibote es paar hotel zzeige und isch mit dum pick-up mit znae...bi de fellig froh gsi will hae ehrli gmeint braechi nu zaeme in der hitz mit mine 20 kilo ufum rigg...:-) der guet ma, ca. 65 jaehrig hets sicher ganz guet gmeint aber jedes zweit wort isch gsi gfaehrlich hie und gfaehrlich da...isch isch de doch gottlos uf dnaerve gange...het oei mit isch epis welle ga triche und het apa der narr an isch gfraesse...hei de doch nu en guenschtigi unerkunft fer di nacht gfunne...ische beschuetzer het de druf bistanne schis nummer biner hotel bsitzeri zla, falls epis passieri und het isch gseit aer holi isch am andre morge ab fer ane andre strand zfahre...tja so siwer de nach der herrlich nacht, (da isch nu viel heisser gsi als da wa wer vorher si gsi und eifach nit schoen...) eifach wieder zrug uf sunzal wa wer im afang si gsi und hei da nu 2 taeg am strand gignosse...hei sogar wieder zglich zimmer vercho und djungs heint imal oei freid kae...;-)

geschter is de zrug uf san salvador, di hoiptstadt va el salvador, wa wer ubernachtet hei...si es bitz iner stadt umche gschuenet und naer gmietlich zrug ins hotel...hei isch epis vam pollo campero la cho...so aehnlich wie mc donalds aber eifach nur mit pulet...und hite morge hets de gheisse abschied nae...djudi und dsabine sind zrug uf guatemala und ich hae mich ufe waeg zum flughafe gmacht...

also der ersch flug haeni somit hiner mier und jetz fleigi de va lima uf la paz...sellti so im viertel vor eis emorge a cho...dun und di coco holent mit de ab...faetzt mer apa scho anersch...juuhhuuu...also der negsch itrag folgt va bolivia...LA PAZ...hasta luego...

El Salvador