Casa Milagro

hola, wie geits ew...mier tip top...hae jetz giziglet...und zwar am letschte su...darum haeni oei nix ine blog gschribe, somit haeni nit viel spektakulaers gleischtet...bi mitere oeschtricheri zaeme wa judith heisst am andre do es projekt in santa cruz de laguna am see a ga aluege und aes het isch tip top gfalle somit siwer der su druf gat hie haer giziglet...en ditschi volontier isch scho da, di sabina...beides aenz naetti und cooli froejini...heis super zaeme...

zum projekt, das wird vanere ditscha gfiert wa thilda heisst...di isch scho 20 jahr hie...da sind iheimischi froejini im projekt wa stoff maechent und schmuck...so verdienent schi ihre gaeld...di bringent de ihri chinder mit und wier si de di wa mit dene chind epis machent...also z.b. ufe tschuttplatz bitz ga tobe oder im projekt obina epis male, vorna spiele oder was oei immer...aes gfallt mer aenz guet...wier schaffi meischtens emorge vane nine bis ze zwelfe und im nami vane zweie bis ze fuefe, cha aber oei lenger ga oder so wie hite z.b. si wier dri gat uf "solola" ane maert gange...also der ganz tag nit gschaffet, hei gscheichjini poschtet fer di alte froejini im dorf...maechi apa de im di nu es faescht zum muettertag...nachtraeglich...mit de cind heiwer bilderrahme baschtlet und foto gmacht, wa schi de ihre mamini chenent scheiche...

wohne tueni jetz mit der judith zaeme ime zimmer...hei nu meglichkeit zum choche und isch aenz gmietlich und klappt tip top...hei di dusch vorna und tatsaechlich es "troche wc"...liecht heiwer nit immer...also chas oei si daswer sie ganz romantisch im cherzeliecht sitzi...will das mit solar geit...zwasser zum dusche isch meischtens nit gat so warm aber alles gfallt mer praechtig...ah und natirlich mit bewohner heiwer nu es paar...probieri naer mal dfoetis embruef zlade, de zeigi ew di...:-)

da wa wer jetz wohne isch genau nix, also me chunt nur mim boot derzue und da fahrt apa zletschta 6 oder 7...wier wissi nit genau...es paar hotel am see hets nu und es paar cooli beizjini wa wer isch de doch ab und zue waerdi znacht goenne...nit das wer de use hose kije...maechi isch naehmlich herrlichi menu...tonno hets oei scho gigae...:-) hei aber anstatt rahm, butter koeift...gli ganz lecker gsi...

ane ganz gmietlich rytmus vane lit hie haeni mi nu nit gigwennt aber eis nam andre...mim spanisch geits eso...dischi week haeni genau nix gmacht...ga de viellicht zsanta cruz nu en wucha oder zwei ind schuel...da chunt en iheimischi und waeri apa scho nu guet fer mich aber dischi week bini nit mal derzue cho epis fer mich zlehre...obwohl me eigentlich nit viel macht, geit di zit gli huere schnaell...naehmi isch immer gaeng epis vor und naer siwer gli am hetze...apa de gli wie hite oei...si aebe ufum maert gsi, jetz siwer alli dri im internet und naer zrug, packe und nach san pedro...da welli wer hite ues ga und cheni da binere schwizeri schlafe wa oei ime projekt schaffet und more weissi nu nit was geit...am su apa de di sabrina wa zantigua bi mier iner famili isch gsi uf santiago ga bsueche...wier si jetz alli so am see a verteilt am arbeite...:-)

so jetz probieri mal mit de fotini...waeri ja anersch cool wenn das klappti...also bis bald und schuppe munzini

Casa Milagro