es wuchenend am atitlan-see...

hola, hoffi gae ew alle guet...mier tip top, hei aenz es cools weekend kae...letsch wucha haeni iner schuel di pauline kenne glehrt, schi chunt tatsaechlich va sion...;-) nu en luschtigi...si de nu mit andre vaner schuel so in en bar ga en band lose, im kino gsi und gmietlich...

am samstag heiwer isch de ufe waeg ane atitlan-see gmacht...nu en andri vaner schuel isch mit cho, di elise...schi chunt va kanada...wier si de mim chickenbus gange, emorge im 7 isch start gsi und zpanajachel siwer apa so 3 1/2 stunde spaeter acho...;-) welli busfahrt...also das sind so busa mit 10 reihe, uf jeder sita hets fer zwei platz...so siwer oei gstartet, mit 40 lit...naer het das guet busji staendig eswa aghalte, da sind de immer iheimischi igstige und heint schich eswa derzue ghocket...und aes het staendigi waegsla gigae aber fascht immer heiwer zdritt uf dene zwei plaetz ghocket und im gang sind oei alles lit gstanne...somit sind apa insgsamt guet 80 lit in dem bus gsi...e huefe chinder...wenn de der bus eswa aghalte het, heint schich de lit mit nussini, tortillas, epis ztriche oder susch sache zum verchoeife durch di ganze lit gidraengt...hesch also so tip top chene ichoeife...;-) wirklich raecht witzig gsi...aber nach 3 1/2 stunde eso dermasse igipfercht zsi, bini de gli froh gsi, ues zstige...;-)

va panajachel heiwer de es bootji gnu uf san pedro...da siwer de es bitz umche gluffe und epis ga aesse...isch ziemlich so es ortji mit hippies und kuenschtlera...va da siwer de mit pferdi witer nach san marcos...hei de so verschiedeni ortjini gseh und isch wirklich aenz schoen gsi...si apa wieder so 3 stunde unerwaegs gsi...zsan marcos heiwer de ubernachtet ime nu spezielle hotel...am andre morge siwer im see ga schwimme, zfruehstuck gaesse und wieder mim bootji witer uf santa cruz...da siwer de es bitz dum see entlang gluffe, heieiei wie wunderschoen isch das gsi...sooo der hammer...naer mim bootji de zrug uf panajachel...

da heiwer de ischi rueckfahrt miesse ga organisiere...haetti zwar gaere uf zmaertji welle aber hei de apa en stund mit dene vam reisebuero verhandlet waegem pris fer zrug, obs nu platz het und eso...hei nisch de geinigt im vieri der bus znae...de siwer im vieri zwaeg gsi aber zbusji het minimi verspaetig kae...apa na de fuefe is de mal cho...aber ich haes nu witzig gfunne...hei de es glace gaesse und eifach gwarte...mim bus zrug is de bitz schnaeller gange wa uber...apa na 2 stunde siwer wieder zantigua acho...si de nu epis ga aesse und heim...

hite het mini zweit wucha iner schuel agfange und machi scho flott fortschritta...;-) obschon mer zrede nu raecht mieh bireitet da ich halt nu nit so viel werter kenni...aber eis nam andre...naer muessi mal es bitz verbe lehre...;-)

ich blibi jetz dischi wucha eh nu zantigua und viellicht di negschta oei nu...und fer es projekt haeni mi immer nu nit entschiede...eis nam andre...;-)

so jetz gani ine park es bitz ga lehre...haebet en tolli zit und bis negschmal...

ah und jetz haeni das fascht vergaesse...jetz bini de tatsaechlich scho bald 2 wuche hie und hae nu nit epis poschtet, waeder schaloppjini nu susch irgend epis...wow...;-) aber chunt de scho nu...

und nu gat en chlini erklaerig zum foto vam blaue hues...das isch gat iner nechi wan ich wohne, hae zersch mal wenni das gseh hae, so miesse lache...da chame eifach lite und naer chunt jemand und verchoift da apa so chaugummi, chips, epis schoggela...aber nur so chlei...der hammer...

es wuchenend am atitlan-see

el volcan de pacaya...

halli hallo, ier gseht hae eifach nix ztue dasi scho wieder schribi...;-) nei muess ew doch mis erlaebniss va geschter verzelle...heieiei wie geil isch das de gsi...guet zembruef loeife weniger, isch de tatsaechlich guet zum vorschi cho dasi scho gat epis lenger wa es paar monat kei sport meh gmacht hae...wie oei immer wier si 1 1/2 stund embruef gluffe, nu raecht streng aebe gsi aber aes het schich alle mal glohnt...tue ew de gat di foetis druf, de bruechi gloeibi nimme viel zsaege...das foto wani der staecke ine hend hae, da haeni di lava gibriehrt, natirlich mim staecke aber hae wirklich gmeint mier verbrennis di bira...uiuiui welli hitz, ja wer haetti das gideicht bime vulkan...;-) nei hammer gsi...embri gaendige hets de afa raegne, ich gloeibi das verfolgt mich mis ganz laebe...wenni eswa es tourli mache das eifach leid isch...hae gmeint das sigi nur wenn di dun derbi sigi aber in dem fall nit...nei isch ja gat der erschti uesflug gsi...

...so und dschuel...der knueller...mini lehreri heisst yolanda...bi raecht zfriede und faetzt mer sogar more wieder zga...;-) zyoli isch aenz en cooli weme das nam erschte tag scho cha saege...zeinziga wa nit so cool isch, mini mitbewohnerinne...imal di zwei hollaenderinne, wier hei zhew gar nit ufer glich hechi...mal saegenscht hallo, mal luegensch mi nit a...gloeibi di antipati isch raecht gaegesitig somit bini wirklich am uberlegge ane atitlan see zzigle...ga naer mal zur anouk vaner pmg verbi, mal guge was schi derzue meint...will aes isch raecht miehsam...und zu allem uebel heint di zwaetschge geschter genau der glich trip gibuecht wien ich...aber bi iner front mit gluffe und schi hinina na...eini het de sogar es rossji miesse nae, willsch nit het mege loeife...ja mit handtaesche geit me oei nit ga wandre...so das isch jetz besch gsi aber sind wirklich bloedi...;-)

ah hae nu es foeti va minum altarji uf minum tisch im zimmer gmacht...di ganze gluecksbringer und gscheichjini wani va ew vercho hae, di waner da druf nit gseht sind an mine taesche, rucksaeck und so verstaut oder agheicht...;-)

so de ladi mal di foetis und schicki en liebe gruess us antigua und mier geits tip top...oei zaesse iner famili isch bis jetz super...haes aenz gaere...obschon ich sie nit im gringschte en ahnig hae wases isch...;-) hoffi ew gaegis oei guet...munzini

el volcan de pacaya

mis momentan deheime und erschti idrick va antigua...

so jetz haenis tatsaechlich gschafft di foetis ufe blog zlade...;-) so gsehder mal wieni im momaent laebi...raecht spannend das schich hie mini plaen, hae ja eigentlich gar kei plaen ;-), va tag zu tag aendrent...meini bi zu nix verpflichtet und cha ga wenn und wa ich will...ich deichi mal dasi nit meh wa so lang hie zantigua blibi...aes isch raecht schoen mal zgseh aber nach es paar taeg haeni zgfuehl sigi guet...isch eh raecht touristisch...aber aebe wer weiss viellicht bini ime monat nu hie...;-) mal afa di schuel starte more...uf das froeji mi raecht...

bi geschter ufe maert gange, heieiei wettigs durchenand...aber raecht witzig gsi...hae ew oei nu foetis va so gebaeude druf glade wani geschter so bitz abgnu hae...naer di strasse...hie gsehnt alli glich ues und mit minum orientierigssinn het schich das oei raecht schwierig gstaltet di erschte taeg aber mitlerwile klappts ganz guet...hae oei en raecht eifach schinende plan vercho das me schich nit unbedingt verloeift aber haes tatsaechlich gschafft...was ich hie scho eis bi umche gschuenet, dagmar bi scho sehr dankbar um dini blasepflaschter wat mit ind apothek gipackt hesch...susch geits mer bis jetz raecht guet...zwei wa bi isch iner famili wohnent heint parasite...miessent jetz antibiotika nae aber sigi halb so wild...gloeibi das kehrt eifach derzue...

...ah und vorer bini gat ime supermarkt gsi...also welle gspass bi fascht nit usum stuene cho...was di da alles abietent...naebe schminksache heintsch uf zmal zwei nagelnoeji 50er toeffjini uefgstellt, naer gits gat wieder en egga mit brot, hie coca flaesche...da isch der ottos es raechts durch strukturierts unernaehme dergaege...

...hite nami gani nu uf es tourli...uf en vulkan...wa sogar nu aktiv sigi...de gsehder de apa negsch week foetis va mier und im hinergrund lava...yeah...;-)

im uesgang bini nu nit gsi aber ehrli gseit seit mer das oei gar nix...bi raecht viel am schlafe, laese, muesig lose...halt eifach sache wani bis jetz nie wirklich viel zit gwidmet hae...

...ich tue gloeibi es bitz zviel schribe aber muess ew doch gat alles mitteile...

...jetz schlaendri mal gmietlich heim, machi mer es paar sandwich, bi gspannt wie di sind und naer geits ab ufe vulkan...bis bald...schuppe munzini...

mis momentan deheime und erschti idrick va antigua

akunft in guatemala...

so nacheme sehr lange tag haeni de geschter emabe apa ze zaehne guatemala erreicht...dreis isch zwar leng gsi aber alles tip top gange...zdallas haeni de mis gipaeck miesse ues und numal itschegge...heieiei biner persone kontroll hesch sogar miesse dschue abzieh...:-) und hae doch mis gurtji vergaesse ab zzieh, de hets natirlich gipipt...uiuiui di sind de anersch nit zfriede gsi...mier isch das vor cho wie so ime militer trainingslager, da het niemmer en mux gmacht...

aebe de bini nach dri flig zguatemala a cho, en fahrer isch mi ga abhole, het leider nit englisch chene und ich mit minum spanisch de het das en stilli fahrt gigae...im hotel acho und nur nu uner...hae de fellig lang gschlafe und hite morge haeni mi ufe waeg gmacht zu der pmg...gat zfuess mim gipaeck...uiuiui hae eifach doch eiditig zviel mit gnu...:-) di vaner pmg wa mer eso bitz alles erklaert het und verzellt het, heisst anouk, duecht mi nu raecht es gaebigs...mini schuel faht am mo im achti a und wieni hite gat erfahre hae, haeni einzelunerricht...mich hauts...de magi de anersch ind hoes...

na dem gspraech bini de mim gipaeck und dizmal miteme tuctuc zur gaschtfamili gfahre...der hausmann het mer de alli mitbiwohner vorgstellt und naer hets zmittag gigae...apa nix mit minum kampfgwicht embri tue, felligi portione...also der jose und schis froeji lucky heint insgsamt mit mier jetz 6 studaente und 3 kids bi ihne...aenz es hischi...obina druf en cooli dachterrass...also aes isch 1 ditschi, 2 hollaenderinne, es paarli va mischigen oder eso mit ihre dri kids und ich da...naer wenn di eltre vane kidis iner schuel sind, chunt emorge nu es nanny verbi...also gaebig epis los...

so das waeris fer zerschta, foetis haeni nu keini gmacht...mal guge was zwuchenend geit, hae nit en blasse schimmer wasi leischti...:-)

ah di ditscha het mer nu verzellt dasi apa de gat gaebig ztue hae sobald dschuel afaht...lehre, lehre und numal lehre...gaell so gat ohni epis zchene isch apa gli nit so schlau gsi zcho aber schla mi de scho durch...so mim verstah haeni zgfuehl geit das nu schnaell aber rede...uiuiui...aber der jose git schi aenz mieh ganz langsam zrede...

so de schlaendri apa nu bitz hie umche und naer gits de scho znacht...bis bald und foetis folgend negschmal...munzini

abschiedsturnee...

liebi fröinda va dischum blog, hämi schlussendlich doch entschiede öi so en blog zmache, dasi de in der ferne öi mal paar fötis cha druf lade, bricht erstatte und ier chent ga lüege wies mer doch öi so geit...jetz geits wirklich nur nu es paar tagjini und ich hocki im flieger...fröije mi uf guatemala und bi sehr gspannt wasi da wärdi erläbe, halti ew natirlich ufum löifende...oder probieris imal...aber mit dem skype cha nix me schief ga...;-)

abschiedsturnee...